भारत-पाक क्रिकेट बाबत परराष्ट्रमंत्री यांचे मोठे वक्तव्य
नवी दिल्ली: भारत पाकिस्तान किंवा कोणत्याही देशात क्रिकेट खेळण्याच्या शक्यतेवर परराष्ट्र मंत्री एस जयशंकर यांनी स्पष्टपणे सांगितले की, दहशतवाद संपवण्यासाठी पाकिस्तानवर सतत आंतरराष्ट्रीय दबाव असायला हवा आणि तो दबाव कायम ठेवण्यासाठी भारताला पुढाकार घ्यावा लागेल. जयशंकर यांनी सीमेपलीकडील दहशतवादाला कधीही गृहीत धरू नये असा जोरदार आणि स्पष्ट संदेश दिला. बीसीसीआयने भारतीय खेळाडू पाकिस्तानला न जाण्याच्या घोषणेनंतर आशिया चषक २०२३ संदर्भात बीसीसीआय आणि पीसीबी यांच्यातील वादाबद्दल जयशंकर म्हणाले की स्पर्धा येतच राहतात आणि सरकारची भूमिका तुम्हाला माहिती आहे.
एका वृत्तवाहिनीच्या कार्यक्रमात बोलताना जयशंकर म्हणाले की, ‘मी पुन्हा सांगू इच्छितो की, एखाद्या देशाला दहशतवाद सुरू ठेवण्याचा अधिकार आहे हे आपण कधीही मान्य करू नये. आम्हाला ते बेकायदेशीर ठरवायचे आहे. आणि त्यासाठी देशावर आंतरराष्ट्रीय दबाव असायला हवा. दहशतवादाचे बळी जेव्हा आवाज उठवतील तेव्हा हा दबाव कायम राहील. दहशतवादामुळे आपण रक्त सांडल्यामुळे यात आपल्याला नेतृत्व करावे लागेल.भारत-पाकिस्तान यांच्यातील चर्चा पुन्हा सुरू करण्याच्या मुद्द्यावर जयशंकर म्हणाले की, हा एक गुंतागुंतीचा मुद्दा आहे. आणि त्याचे नेते कोण आहेत, छावण्या कुठे आहेत… याबद्दल काही गुपित नाही. सीमेपलीकडील दहशतवाद सामान्य आहे असा विचार आपण कधीही करू नये. मला आणखी एक उदाहरण द्या, जिथे एक शेजारी दुसऱ्याच्या विरोधात दहशतवाद पुरस्कृत करत आहे. असे एकही उदाहरण नाही. एक प्रकारे, हे केवळ सामान्य नाही तर असाधारण आहे.